ការបង់ប្រាក់ភាគទាន

ចំនួនទឹកប្រាក់ភាគទានចុះបញ្ជិកាដែលត្រូវបង់ប្រែប្រួលទៅតាមប្រភេទបញ្ជិកា

ប្រភេទ “ក”(សម្រាប់គ្រូពេទ្យខ្មែរ)

• គ្រូពេទ្យដែលចុះបញ្ជិកាប្រភេទ “ក”ត្រូវបង់ប្រាក់ភាគទានចុះបញ្ជិកាប្រចាំឆ្នាំចំនួន ២៤០០០០រៀល*។

• និស្សិតអន្តេវាសិកនិងនិស្សិតឯកទេស ដែលចុះបញ្ជិកាប្រភេទ “ក” ត្រូវបង់ប្រាក់ភាគទានចុះបញ្ជិកាប្រចាំឆ្នាំចំនួន ១២០០០០រៀល*។

 ប្រភេទ “ខ”(សម្រាប់គ្រូពេទ្យខ្មែរ)

• គ្រូពេទ្យដែលចុះបញ្ជិកាប្រភេទ “ខ”ត្រូវបង់ប្រាក់ភាគទានចុះបញ្ជិកាប្រចាំឆ្នាំចំនួន ២៤០០០០រៀល*។

 ប្រភេទ “គ”(សម្រាប់គ្រូពេទ្យបរទេស)

• គ្រូពេទ្យដែលចុះបញ្ជិកាប្រភេទ “គ”ត្រូវបង់ប្រាក់ភាគទានចុះបញ្ជិកាប្រចាំឆ្នាំចំនួន ១២០០០០០រៀល ($300 USD)។

• ការបង់ប្រាក់ភាគទាន$300 USD នេះ គឺជាតម្រូវការមួយ ទោះបីជារយៈពេលនៃការធ្វើការងាររបស់គ្រូពេទ្យនោះនៅក្នុងប្រទេសកម្ពុជា តិចជាងមួយឆ្នាំក៏ដោយ។

• បញ្ជិកាប្រភេទ“គ” មានសុពលភាពអតិបរមារយៈពេលមួយឆ្នាំ។ ដូច្នេះនៅចុងបញ្ចប់ នៃបញ្ជិកានេះគ្រូពេទ្យដែលចុះបញ្ជិកាប្រភេទ “គ” ត្រូវតែបង់ប្រាក់ចំនួន $300 USDបន្ងែមទៀតជារៀងរាល់ឆ្នាំ សម្រាប់ការបន្តចុះបញ្ជិការបស់ខ្លួន។

 ប្រភេទ “ឃ”(សម្រាប់គ្រូពេទ្យបរទេស)

• គ្រូពេទ្យដែលចុះបញ្ជិកាប្រភេទ “ឃ” ត្រូវបង់ប្រាក់ភាគទានចុះបញ្ជិកាប្រចាំខែចំនួន៨០០០០រៀលក្នុងមួយខែ ($20 USD)។

• ពាក្យ“ខែ” នេះ ត្រូវបានកំណត់ដោយខែក្នុងប្រតិទិន។ ដូច្នេះទោះបីជាធ្វើការងារចំនួនមួយថ្ងៃក្នុងមួយខែនៃប្រតិទិនក៏ត្រូវតែបង់ប្រាក់ភាគទានចំនួន$20 USD ដែរ។

       ឧទាហរណ៍ ៖ ប្រសិនបើរយៈពេលនៃការធ្វើការងាររបស់អ្នកនៅក្នុងប្រទេស កម្ពុជា ចាប់ផ្តើមពីថ្ងែទី៣០ ខែសីហា ឆ្នាំ២០១៣ រហូតដល់ថ្ងៃទី៣០ខែកញ្ញា ឆ្នាំ២០១៣ អ្នកត្រូវបង់ប្រាក់ភាគទានចុះបញ្ជិកាចំនួន$40 USD។ 

• បញ្ជិកាប្រភេទ“ឃ” មានសុពលភាពអតិបរមារយៈពេល៦ខែ។ ដូច្នេះនៅចុងបញ្ចប់នៃ បញ្ជិការយៈពេល៦ខែនេះ គ្រូពេទ្យដែលចុះបញ្ជិកាប្រភេទ “ឃ”ត្រូវតែចុះបញ្ជិកាឡើងវិញជាមួយគណៈគ្រូពេទ្យដោយមានការបំពេញទម្រង់បែបបទសុំចុះបញ្ជិកាឡើងវិញ។

 ប្រភេទ “ង”(សម្រាប់គ្រូពេទ្យខ្មែរ)

• គ្រូពេទ្យដែលចុះបញ្ជិកាប្រភេទ “ង”ត្រូវបង់ប្រាក់ភាគទានចុះបញ្ជិកាប្រចាំឆ្នាំចំនួន ១២០០០០រៀល*($30 USD)។

 * គ្រូពេទ្យខ្មែរដែលធ្វើការងារនៅខេត្តរតនគីរីមណ្ឌលគីរី ព្រះវិហារ ប៉ៃលិន ឧត្តរមានជ័យ និង ស្ទឹងត្រែងត្រូវបានទទួលការបញ្ចុះតម្លៃភាគទានចុះបញ្ជិកា៥០%។